Thinlung Hliam Part-2
Thinlung Hliam movie hmasaah khan an nu leh pa te ruahmannain Dika leh Mawitei te an innei kha a ni a, chutih lai vekin Mawitei bialpa Huntera tawrhna nasat tak tarlan a ni bawk a. He mi chhunzawmna “Thinlung Hliam-2” ah hian Dika chuan Mawitei chu duh viauin hmangaih viau mahse Mawitei thinlung chuan a lam a hawi ve miau si lova. Mawitei chuan a hmangaih leh a thinlung zawng zawng a pekna Sipai Captain Huntera chauh lo chu a ngaihtuah chang lo. Chutih laiin Dika chuan Mawitei’n a hmangaih ve hun nghakin dawhthei takin a nghak zel e. Dika thianpa Ruata pawhin Mawitei chu nupui awm ze neilo a nih thu leh then hmak turin a lo fuih a, chutiang bawkin Jane-i pawhin Huntera hnenah Mawitei chu pasal nei tawh a nih vangin theihnghilh a tawpsan hmak turin a lo fuih ve bawk a. Kum khat hnuah pawh an thianthate ve ve fuihna chuan awmzia a nei thei si lova. Mawitei’n pasal nei chunga a thinlung a pasal te tana hlan a chuang lo leh, Dika’n a nupui khum khata a mut dun pui theih loh amah hmangaih thei lotu nupui anga a pawm reng mai te, Huntera’n pasal nei tawh a hmangaih em em Mawitei nei let leh tura a beihna “Thinlung Hliam-2” Movie-ah eng nge lo thleng zel dawn le? Mahni duh thlanna nge ding chang ang a, nu leh pa te thu zawmna zawk??? tih hi a movie en phawt loh chuan hriat a har deuh dawn a nih hi. I chan loh khanah he movie hian a hruai lut dawn che a ni
.webp)
