Pangpar Huan
Kum 2005 a ni a, naupang baihvai tak tak an nu leh pate awm khawloh avanga enkawltu nei lo an awm a. An unau zinga upa ber chu Dina a ni a, in rauhsan hlui tawh takah an unauvin an khawsa a. Dina chuan duat takin a nau Hmingtea leh Mateii chu a enkawl thin.
Dina nu leh pate inkarah chuan buaina thuk tak a awm a, Pangpar Huan phena thil thleng chuan an nupa inkar chu a vawchhe zova, an chhungkua an kehdarh phah ta hial a ni. Dina pa Rama chuan chhungkaw ngaituah hman lek lovin nuthlawi zu zuar a luhkhung a, an nu ber pawh chu ruihhlo ngawl a vei avangin chhawmdawlna inah an fate a awm bo san bawk a.
Nu leh pa chhungkaw mawhphurna hlen zo lo chuan fateah nghawng a nei lian hle mai. Dina, Hmingtea, Mateii te hringnun chu a nitelin a khirh a, chawmtu nei lo unau khawngaihthlak tak tak te chuan sikul an kalnaah te, an nitin hun hmannaah te hmuhsit leh endawng an hlawh nasa hle thin. An tan nun khawchhuah chu tihtakzeta beih a ngai a ni. He unau khawngaihthlak tak tak te hian hlimni an hmu ve ang em le?
.webp)
